لا تتزوج 📚

🚫ما تتجوزش لمجرد إنك خلصت تعليم وجيش واشتغلت وآن آوان الجواز بقي.. إنت كدا بتعتبر الجواز مجرد قطعة دومينوز بتكمل بها اللعبه .

🚫ما تتجوزش لمجرد إن سنك كبر ، ومعظم زمايلك وأصدقائك اتجوزوا .. الجواز علاقة إنسانية مالهاش أي دعوة بالسن

🚫ما تتجوزش لمجرد إنك عاوز تطفي وهج غريزتك .. أو تلاقي مخرج لشهوتك ..

🚫ما تتجوزش علشان أبوك وأمك قالولك اتجوز .. أو المجتمع قال لك اتجوز .. انت كدا بتتجوز لحسابهم

🚫ما تتجوزش وإنت عندك تحفظات أو ملاحظات علي اللي هتتجوزها وتقول : أنا هاغيرها بعد الجواز ! يا تقبلها زي ما هي يابلاش تفصل الناس علي مقاسك

🚫ماتتجوزش واحدة صغيرة وتقول إنك هتربيها علي إيديك ( من كتر لفك ودورانك طبعًا ) … الجواز مش تَبنّي ولا تربية ولا وضع نهاية آمنه للصياعة

🚫ما تتجوزش وإنت ناوي تَقَعَّد مراتك من الشغل وتحبسها في البيت وتقطع عنها الهوا والمياه وتخبيها وتداريها عن الحياة … ده ما يفرقش أي شئ عن وأد البنات في الجاهلية ..

🚫ما تتجوزش وإنت شايف ان الست أقل منك وأقل حكمة وحسن تصرف منك وإنها المفروض تركع لك وتؤدي لك فروض الولاء ليل ونهار وإنك لازم تكون بالنسبه لها نصف إله

🚫ما تتجوزش لمجرد إنك عاوز تجيب عيال قبل ما تكبر

🚫ما تتجوزش وفي مخيلتك صورة شهريار اللي قاعد علي ريش النعام وهي المفروض توفر له كل وسائل المتعة

🚫ما تتجوزش لمجرد إن فلانه عجبك جسمها ، شكلها وخسارة تضيع منك

ما تبقاش عامل زي الصياد النرجسي الأناني اللي بيقتنص الفريسة اللي تعجبه وبعد ما يمتلكها يموتها

🚫ما تتجوزش وبعدين تحس انك اتخطفت وما عشتش شبابك وان مراتك مش كفاية وتفتح الإشارة الخضرا لكل المعجبات والمطاردات تحت راية ( أنا راجل ومن حقي أعمل اللي أنا عايزه )

📌و إنتي كمان ما تتجوزيش ( انتظري البوست القادم )

ده الأسباب الشائعة لزواج أغلب الذكور التي ذكرها د. محمد طه بكتابه لا #بطعم_الفلامنكو

لإني لن أكتبها بنفس ما ذكرها

فإذا كانت هذه أسبابك لا تتزوج وإذا كنت متزوج فحاول أن تجد أسباب لزواجك غير هذه لكي تضمن نجاح الزواج وعدم فشله

Leave a Reply

%d